|
Chalo Hum
Farz Kartay Hain
Chalo Hum Farz Kartay Hain
Wohi Baatein
Jo Dunya Mein Nahi Hoti
Chalo Hum Farz Kartay Hain
k Har Soo Noor Phaila Hay
Na Din Mein Chaya Sannata
Na Raaton Mein Andhera Hay
Na Sooraj Shab Mein Sota Hay
Na Din Mein Chand Khota Hay
Hay Har Dil Roshnee Se PurNoor
Aur Aankhon Mein Ujalay Hain
Chalo Hum Farz Kartay Hain
k Har Mousam Baharaa Hay
Khizaa Mein Phool Khiltay Hain
Nigahein Rangoo
Na Gham Khushion Se Behtar Hain
Na Dunya Tum Se Behtar Hay
Hay Dunya Ki Haqeeqat Kya
Faqat Ik Tum Hi Achay Ho
Jahanoo Se Zamanoo Se
Makanoo La Makanoo Se
Yeh Sab Kuch Hay Vohi
Jo Iss Dunya Mein Hota Hay
To Phir Hum Farz Kiun Kar Lein
k Dunya Tum Se Behtar Hay
Nahi.....
Faqat Ik Tum Hi Achay Ho...!!! |
