| |
Apnay ehsaas
se chu ker
Apnay ehsaas se chu ker
mujhay sundal ker do
Main k sadion se adhoora
hon mukamal ker do
Na tumhain hosh rahay na mujhay hosh rahay
is qadar toot ker chaho
mujhay pagal ker do
Meri hatheli ko apnay piyar ki mehndi se rango
Meri ankhon main apnay
piyar ka kajal bher do
Dhoop hi dhoop hon main, toot ker berso mujh per
is qadar berso meri rooh
ko jal thal ker do
Tum chupa lo mera dil, oat main apnay dil ki
Aur mujhay meri nigahon
se bhi ojhal ker do
Masla ho tu nigahain na churao mujh se
Apni chahat
se, tawaja se mujhay hal ker do
Apnay gham ko kaho her waqt mere saath rahain
ik ehsaan kero, is ko
musalsal ker do
Mujh pe chah jao kisi aag ki soorat janan
Aur meri zaat ko sookha
howa jangal ker do |
|
